Gaafii yeroo hedduu kiristaanonni gaafatan

Rabbiin maaf Qur'aana afaan arabaa qofaan buuse? innoo afaan hunda beekaa. Gaafiin tun gaafii wallaalumarraa maddite, silaa tun gaafuma gaafatamuun maltee miti. ___________________________ Deebiin gabaabduun gaafii tanaaf kennamtu, Rabbiin ergamtoota erge hunda yeroo wahyii itti buusu afaanuma isaan beekaniin irratti buusa.

Nabi Mohammed (saw) gosa Arabaa irraahi, kanaaf rabbiiniis afaanuma nabi muhammed beekuun quraana isarratti buuse.

Qur'aanni Afaan arabaatiin bu'uun akka nuti xiinxalluufi. ---------------------------- إِنَّآ أَنزَلۡنَٰهُ قُرۡءَٰنًا عَرَبِيّٗا لَّعَلَّكُمۡ تَعۡقِلُونَ Nuti akka isin xiinxaltaniif jecha haala Qur’aana Arabiffaa ta’een isa buufne. (surah Yusuf aayata 2)

Gaafiin silaa jerri kiristaanaa gaafatuu qaban, qur'aana afaan arabaatiin malee qara'uun maaf hin taane? ja'anii gaafatuu qaban ture.

sababni qur'aana afaan inni bu'eeniin malee qara'uun dhoorkaa teheef (akkaan an yaadutti) eegumsaafi, akka eegumsi qur'aana kanaaf godhamuufi. kitaaba jera kiristaanaa yoo laalle, afaan hundaanuu qara'uu dandeeysa, kun garuu rakkoo guddaaf isa saaxile.

Rakkina Bible irra gahan keeysaa muraasni kana faadha. 1. eegumsa dhabe 2. orjinaalummaarraa gara feekaatti deebi'e. 3. dogongoraaf isa saaxile. 4. wal dhabbiif isa saaxile. 5 itti dabalamuuf isa saaxile. 6 irraa hir'ifamuuf isa saaxile. Rakkinni kun hundi rakkina kitaaba qulqulluu irra gaheedha.

kanneen malees kan biraa hedduutu jiru. garuu Qur'aanni rakkoo kanneen hundarraa qulqulluudha, sababniis Rabbiitu isa tiiysa waan teheef. waa'ee kanaa ilaalchisee rabbiin akkana ja'a. ____________________________________ إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ *Nuutu Qur'aana buuse, ammallee numaatu isa tiiysa. numaatu akka nuti itti buufnerraa jijjiiramuufi itti ida'amuufi irraa hir'ifamuurraa isa tiiysa. Rabbiiin Qur'aana tiiysuu ifirra kaaye, tanaaf akka rabbiin buuserraa hin jijjiiramne.

Bible eegumsa Rabbii jela hin jiru waan teheef rakkoo hedduuf saaxilamuu dandahe. __________________________________ Akkuma beekamu kitaaba tokko hiikaa isaa qara'uufii isuma orginala san qara'uun garaa garummaa qaba. an kitaaba tokko afaan biroo irraa gara afaan oromoo jijjiiruuf yoo ka'e, jechaan hiiku san akka naaf galettiin hiika, namni birootiis kitaabuma kana hiikuuf yoo ka'e inniis akka isaaf galetti hiika malee akkaan an hiike sanitti hin hiiku. sababni isaas afaan oromoo jechi tokko hiikhaa hedduu qaba, kanaaf kitaabni kun osuma deemuu hiikhaa isaa kan jalqabaa sanirraa jijjiiramaa deema. boodarra guutumattuu waan jalqaba itti fedhame sanirraa gara waan biraa jijjiirama jechu, kitaabni Qulqulluuniis akkasuma jijjiiramaa dhufe malee isa orjinaala sanii miti. goonkumaahuu wanni orjinaallii fii hiikhaan isaa tokko hin tahan. kanaaf nuti qur'aana yeroo qaraanu afaan itti bu'e san qofaan qaraana. hiikhaa isaatiis itti fayyadamuu ni dandeeysa garuu salaata fi kan kana fakkaatan keeysatti itti fayyadamuu hin dandeeysu. anuu amma hiikhaa qur'aanaa fayyadamaatiin jira. kun rakkina hin qabu. --------------------------

mee nutiis osuma beeynuu jera kiristaanaa gaafii kana gaafannuu? 📷↪️Bible maaf afaan oromootiin bu'uu dhabe? akkuma beekamu bible kan afaan oromootti hiikame yeruma dhihoo dura, oromoon achi dura turan afaan kamiin bible dubbisaa turan. waaqni maaf oromoo osoo bible afaan oromootti hin hiikamin dura turte san cunqursa?